माओवादी नाप ल्वाभः दु तल्ले मेगू दलं त्याइमखु : थापा

राप्रपा नेपालया अध्यक्ष कमल थापां एकीकृत नेकपा (माओवादी) नाप ल्वाभः व लडाकू दुतल्ले मेगू दलतय्सं मत्याइगु खँ धयादीगु दु ।

राप्रापा नेपाल मकवानपुरं सोमवाः हेटौंडाय् ग्वसाःग्वःगु कार्यकर्ता प्रशिक्षण ज्याझ्वय् न्ववानादिसें अध्यक्ष थापां माओवादीं थःगु ल्वाभः व सेना नापं तयातःगुलिं माओवादीयता छुं नं चुनाव वा मुद्दाय् मेगू दलतय्सं बूके फइमखु धयादिल ।

वयेकलं माओवादीया नागरिक सर्वोच्चता व मेगू दलया अधिनायवाद हावी जूगु धयादिसें कलहया कारण देशय् संविधान निर्माणय् अवरोध उत्पन्न जूगु बिचाः प्वंकादिल । न्ह्यवलें नं उग्रवामपन्थी धारय् फसे जुइगु खतरा दुगु धयादिम्ह थापां थुसी देय् सैनिक शासन पाखे उन्मुख जूगु धयादिल ।