निजामति मखु नागरिक प्रशासन
येँ (सन्ध्या टाइम्स)/नेपाःया निजामति प्रशासनयात आः 'नागरिक प्रशासन' कथं नां हिलेगु खँ प्रधानमन्त्री माधव नेपालं धयादीगु दु ।
थौं सुथय् निजामति कर्मचारी दिवसया लसताय् सामान्य प्रशासन मन्त्रालयं याःगु ज्याझ्वलय् न्ववासें वय्कलं उगु खँ धयादीगु खः ।
'निजामति प्रशासन धइगु नामं देशय् वःगु राजनीतिक हिउपाःया प्रतिनिधित्व याये मफुगुलिं नां हिलेमाःगु खः' वय्कलं धयादिल ।
वय्कलं निजामति कर्मचारीया कानून नं हिलेमाःगु खँ कनादिल। वय्कलं निजामति प्रशासनय् खनेदुगु राजनीति प्रति असन्तोष प्वंकादिसें दलतय्सं कर्मचारीयात थःपिनि साधन दयेकाच्वन धयादिल ।
थ्व झ्वलय् थौं रत्नपार्कं छगू जुलुस नं पिहां वःगु खः।
