सिद्धिदास लुमंकाः छन्द कविता
येँ (सन्ध्या टाइम्स)/महाकवि सिद्धिदास महाजुया १४२ दँ बुन्हिया लसताय् म्हिगः छन्द कविता गोष्ठी जुल। नेपालभाषा मंकाः खलःया ग्वसालय् जूगु उगु ज्याझ्वलय् मंकाः खलःया नायः पद्मरत्न तुलाधरं लसकुस यानादीगु खःसा नेपालभाषा एकेदमिया चान्सलर सत्यमोहन जोशीं नुगःखँ प्वंकादीगु खः ।
ज्याझ्वलय् फणिन्द्ररत्न वज्राचार्य, तिलकप्रकाश कायस्थ, नर्मदेश्वर प्रधान, भूषणप्रसाद श्रेष्ठ, लाभरत्न तुलाधर, राजभाई जकःमि, तबः मरु, रामकृष्ण दुवाल, रश्मी नापित व ज्याझ्वः न्ह्याकादीम्ह शरद कसाःजुं छन्द कविता पाठ यानादीगु खः। मंकाः खलःया छ्यांज्ये नरेशवीर शाक्यं सुभाय् बिसें ज्याझ्वः क्वचायेकूगु खः ।
