संवैधानिक समितिं उपसमितिया म्याद थप

संवैधानिक समितिया अवधारणा पौ मस्यौदा निर्माण यायेत गठित उपसमितिया म्याद असोज १ गते तकया निंतिं थप याःगु दु । संवैधानिक समितिया सोमवाः सुथय् च्वंगु बैठकं उपसमितियात मस्यौदा तयार यायेत थप ई आवश्यक जूगु धासें म्याद थप याःगु खः ।

उपसमितिं अवधारणा पौ सहितया प्रारम्भीक मस्यौदा तयार यायेत झिंगुम्ह दुजः दुगु कार्यदल गठन याःगु खः । सोमवाःया बैठकय् उपसमितिं आः तक याःगु ज्याया बारे समितिलय् जानकारी ब्यूगु खः । अथेहे बैठकय् मेमेगू समितिं आः तक याःगु ज्याया सामान्य समिक्षा नं याःगु खः ।