आः एमालेया 'पुस अभियान'
येँ (सन्ध्या टाइम्स)/एमाले येँ जिल्ला कमिटी भंग यायेगु उपत्यका समितिया निर्णययात स्थायी समितिं वैधानिकता बीवं वरिष्ठ नेता खड्ग ओलीं थुकिं पार्टीयात बांमलाःगु लिच्वः लाकी धकाः पार्टीयात 'चेतावनी' बियादीगु दु। शुक्रवाः च्वंगु स्थायी समितिया बैठकय् निर्णय प्रति नोट अफ डिसेन्ट च्वसें वय्कलं थ्व ख्याच्वः बियादीगु खः। स्थायी समितिया थ्व निर्णय लिपा नं आः सुनां नं उकियात अवज्ञा यात धाःसा उमित निलम्बनया कारवाही यायेगु खँ उपत्यका इन्चार्ज राजेन्द्र श्रेष्ठं 'सन्ध्या टाइम्स' यात कनादिल।
थ्वहे झ्वलय् उपत्यका विशेष समन्वय कमिटीपाखें पार्टीयात पुनर्गठन व सशक्तीकरण याना यंकेगु झ्वलय् भाद्र निसें चैत्र तक 'पुस अभियान' न्ह्याकीगु जूगु दु ।
