सेना समायोजन विशेष समितिया बैठक च्वन

येँ (सन्ध्या टाइम्स)/माओवादी सेना समायोजनया निंतिं स्वनातःगु सेना समायोजन विशेष समितिया बैठक प्रम निवास बालुवाटारय् च्वन। थौंया बैठकय् शिविरय् च्वनाच्वंपिं माओवादी लडाकुतय् अवस्था, उमिगु पुनर्स्थापना आदि विषयय् सहलह जूगु खँ सीदुगु दु। प्रधानमन्त्री माधव नेपालया अध्यक्षताय् च्वंगु बैठकं सेना समायोजन सम्बन्धी थीथी ज्याझ्वः याकनं न्ह्याकेगु खँ धाःगु दु। सेना समायोजन विशेष समितिइ माओवादीया दुजःत दुथ्यायेवं च्वंगु थ्व न्हापांगु बैठक खः ।