ब्लोदानया झिंस्वक्वःगु साधारणसभा क्वचाल
येँ (सन्ध्या टाइम्स)/ब्लड डोनर्स एशोसिएसन नेपाल (ब्लोदान) या झिंस्वक्वःगु साधारणसभा क्वचाल।
नेपाल रेडक्रस सोसाइटीया केन्द्रीय महामन्त्री सुदर्शन नेपालं पानस च्याकाः उगु साधारणसभाया उलेज्या यानादीगु खः।
एशोसिएसनया अध्यक्ष महेन्द्र विलास जोशीया सभापतित्वय् जूगु उगु ज्याझ्वलय् मूपाहां नेपाल, रक्त सञ्चार सेवाया केन्द्रीय निर्देशक मनिता राजकर्णिकारपिंसं संस्थां न्ह्याकेमाःगु थीथी ज्याझ्वःया बारे थःथःपिनि नुगः खँ प्वंकादीगु खः।
ज्याझ्वलय् रक्तदानया क्षेत्रय् महत्वपूर्ण योगदान याःपिंत मूपाहां नेपालं दोसल्ला न्ययेकाः सम्मान याःगु खःसा ज्याझ्वलय् रक्तदाता संघसंस्थातय्सं न्यंगु न्ह्यसःया लिसः नं बीगु ज्या जूगु खः ।
