सरकार सफल : संचारमन्त्री
सरकारया प्रवक्त व सूचना व संचारमन्त्री शंकर पोखरेलं हाथ्याया दथुइ गठन जूगु सरकारं थःगु लक्ष्य पूवंकेगु लँपूइ सफल जूगु दाबी यानादीगु दु ।
एमाले नेतृत्वया सरकार गठन जूगु सच्छिन्हुया लसताय् सरकारया ज्याया समिक्षा यायेत येँय् जूगु छगू साक्षात्कार ज्याझ्वलय् न्ववानादिसें वयेकलं नागरिक सर्वोच्चता स्थापित यानाः लोकतन्त्रयात बल्लाकेत सरकारं म्हितुगु भूमिका हे सरकारया सच्छिन्हुया मुख्य उपलब्धी जूगु दाबी यानादिल ।
प्रमुख प्रतिपक्षी दल एकीकृत नेकपा (माओवादीं) वर्तमान सरकारयात ग्वाहालि यासाः बिचाः याःगु स्वयां अप्वः ज्या यायेफइगु धयादिसें संचारमन्त्री पोखरेलं बहिष्कारया नीति त्वताः सरकारयात ग्वाहालि यायेत माओवादीयात इनाप यानादिल ।
वयेकलं व्यवस्थापिका संसदया अवरोध चालेवं विनियोजन विधेयकय् सहलह सुचारु जुइगु धयादिसें वजेट पारित यायेत सरकार नाप बहुमत दुगु दाबी यानादिल ।
