माओवादी लडाकूयात विशेष समितिया मातहत हइगु

एकीकृत नेकपा (माओवादी)या लडाकूया समायोजन, व्यवस्थापन व पुनःस्थापनाया निंतिं गठित विशेष समितिया आइतवाः च्वंगु बैठकं शिविरय् दुपिं लडाकूयात विशेष समिति मातहत ह्येगु व न्हिया न्हिथंया कार्यसंचालनया निंतिं आचारसंहिता दयेकेत प्रावधिक समितियात निर्देशन बीगू निर्णय याःगु दु ।

आइतवाः प्रधानमन्त्रीया ज्याकू सिंहदरवारय् च्वंगु बैठकय् सेना समायोजन प्राविधिक समितिं हःगु प्रस्तावय् सहलह जूगु खः । शिविरय् तयातःपिं लडाकूतय् रेखदेख, अनुगमन व लडाकूयात नियमित रिपोर्ट विशेष समितिलय् जुइगु व्यवस्था सहितया प्रस्ताव प्राविधिक समितिं विशेष समितिलय् छ्वःगु खः ।

प्रधानमन्त्रीया संयोजकत्वय् गुम्ह दुजः दुगु विशेष समिति व प्राविधिक समितिया मंकाः बैठक च्वंगु खसां विशेष समितिया स्वम्ह दुजः अनुपस्थित जूगुलिं आइतवा: पूर्ण बैठक च्वनेमफुत ।