डिफेन्स आर्मीया अध्यक्ष मैनालीयात ज्वन

नेपाल डिफेन्स आर्मीया अध्यक्ष रामप्रसाद मैनालीयात प्रहरीं झापाया राजगढं ज्वंगु दु ।

प्रहरी प्रधान ज्याकू येँ पाखें वंगु विशेष पुचः व क्षेत्रीय प्रहरी ज्याकू विराटनगरं वंगु पुचलं मैनाली सहित मेपिं प्यम्हेसित ल्वाभः सहित ज्वंगु खः । प्रहरीया अपराधीक ढलखय् सर्वाधिक मालाच्वंम्ह मैनालीयात शरणमती नापसंया राजगढं आइतवाः सुथय् झिंछताः ईलय् प्रहरीं ज्वंगु खः ।

मैनाली यलया एजम्सन चर्चय् स्वम्हेसिया ज्यान वनेगु कथं बम विस्फोट काण्डया मुख्य अभियुक्त खः । अथेहे प्रहरी रेकर्ड कथं मैनालीया पुचः कांग्रेसया केन्द्रीय ज्याकू सानेपा, माओवादीया बुद्धनगरस्थित तत्काली केन्द्रीय ज्याकू, संविधानसभा भवन पिने, खुलामञ्च आदि थासय् बम विस्फोट याःगु खँ न्ह्यथंनातःगु दु ।