सरकार व नर्सत दथुइ १० बुँदे सहमित
आन्दोलनरत नेपाल नार्सिङ संघं शुक्रवाः सरकार नाप १० बुँदे सहमति यायेधुंका दक्वं विरोधया ज्याझ्वः लितकाःगु दु ।
शुक्रवाः बहनी तक सरकार व नर्सत दथुइ न्ह्याःगु वार्ता थ्व आर्थिक दँ निसें लागू जुइकथं द्वछि तका वसः भत्ता अप्वयेकीगू जूगु दु । थ्वस्वयां न्ह्यः निद्व तका वसः भत्ता कथं बीगू यानावयाच्वंगु खः । अथेहे बहनी ड्यूटी याइपिं नर्सतय्त स्वद्व तका खाजा भत्ता बीगू नं सहमति जूगु दु ।
नर्सिङ पाखेया पदतय् १५ दुने सरुवा यानाः पदपूर्ति यायेत नर्सिङ महाशाखा स्थापना यायेगु, स्वास्थ्य सेवा ऐन नियमावली संशोधनया निंतिं कार्यदल गठन यायेगु, निजी क्षेत्रय् कार्यरत नर्सयात सरकारी तलब भत्ता सरह बीगू, जनसंख्याया अनुपात व बिरामीया चापया आभारय् दरबन्दी सिर्जना यायेगु नं सहमति जूगु दु ।
सरकार व नर्सत दथुइ जूगु १० बुँदे सहमतिलय् सरकारया पाखें स्वास्थ्य सचिवत सुधा त्रिपाठी व प्रविण मिश्र व निर्सिङ संघया अध्यक्ष सरला केसीं हस्ताक्ष याःगु खः ।
देयन्यंक सरकारी अर्ध सरकारी व निजी क्षेत्रया नर्सतय्सं बुधवाः निसें २१ बुँदे माग तया आन्दोलन यानाच्वंगु खः ।
