नर्स हडतालं अस्पताल ठप्प
येँ (सन्ध्या टाइम्स)/थीथी माग न्ह्यब्वयाः नर्सतय्सं यानाच्वंगु आन्दोलनं देय्न्यंकंया अस्पतालय् सेवा ठप्प जूगु दु ।
नर्सतय्सं स्वास्थ्य मन्त्रालय व थःपिनि दथुइ जूगु खुगू बुँदे सहमति कार्यान्वयन यायेमाःगु, नर्सिङ महाशाखा पुनर्गठन यायेमाःगु व थःपिंत उचित पारिश्रमिक बीमाः धासें स्वन्हु न्ह्यवंनिसें आन्दोलन याना वयाच्वंगु खः। आन्दोलनया कारणं सरकारी अस्पताल व निजी अस्पतालया सेवाय् लिच्वः लानाच्वंगु दु। गुलिखे अस्पतालय् वासः याकःवःपिं विरामीत लिहां वनाच्वंगु दु ।
नर्सतय्सं थःपिनि मागयात थौं तकया दुने नं संवोधन मयात धाःसा आकस्मिक सेवा नं बन्द यायेगु ख्याच्वः बिउगु दु ।
