उपराष्ट्रपतिं खस भासं सपथ मकयाः द्वंकल : राणा

राष्ट्रिय प्रजातन्त्र पार्टीया अध्यक्ष पशुपतिशम्सेर राणां सर्वोच्च अदालतं ब्यूगु आदेश कथं उपराष्ट्रपति परमानन्द झां सपथ मकयाः द्वंकूगु खँ धयादीगु दु ।

स्याङ्जा सदरमुकाम पुतलीबजार नगरपालिकाय् शुक्रवाः जूगु छगू ज्याझ्वलय् न्ववानादिसें वयेकलं उपराष्ट्रपति झा थःहे कानुनया ज्ञाता जुया नं कानुनया अपहेलना याःगु धइगु कानुनी राज्यया उपहास जूगु जिकिर यानादिल ।

कार्यकर्ता भेलाय् अध्यक्ष राणां वर्तमान सरकारया नेतृत्वय् हे न्हूगु संविधान जारी जुइगु विश्वास प्वंकादिल । वयेकलं एकीकृत नेकपा (माओवादीं) याःगु आन्दोलन प्रति आपत्ति प्वंकादिसें गतिरोधया समाधान राजनीतिक सहमतिया आधारय् क्वचायेकेमा धयादिल ।