झाया छेँ नं सेना लिहांवन

सर्वोच्चया आदेश कथं पदीय दायित्व निष्कृय जुम्ह उपराष्ट्रपति परमान्द झाया छेँय् सुरक्षार्थ खटेजुयाच्वंपिं नेपाली सेनाया पुचः शुक्रवाः अनं लिहावंगु दु । नेपाली सेनाया कर्णेल पूर्ण थापाया कमान्डय् सुरक्षार्थ दुपिं ७५म्ह दुजः दुगु सुरक्षा दस्ताया पलेसा आः अन सशस्त्र प्रहरीयात जिम्मा ब्यूगु दु । शुक्रवाः कर्णेल थापां सशस्त्रया डीएसपीयता सुरक्षा जिम्मेवारी हस्तान्तरण यानादीगु खः ।

अथेहे शुक्रवाः हे उपराष्ट्रपति झाया छेँ नं राष्ट्रिय ध्वाँय् लिकायेगु ज्याझ्वः दुगु खसां गृह मन्त्रालयया अधिकारीत व्यस्थ जूगुसिलं थौं ध्वाँय् लिकागु मदुनि ।

अन्तरिम संविधान विपरित हिन्दी भासं सपथ काःगु विवादय् लानादिम्ह झायात सर्वोच्च अदालतं खस भासं सपथ कायेत ब्यूगु निर्देशन मानेमयाःगुलिं भदौ १४ गते निसें वयेकया पदीय हैसियत क्वचाःगु खः ।