भारतीय पुजारी विरुद्ध चक्का जाम
येँ (सन्ध्या टाइम्स)/ अन्ततः पशुपतिइ हाकनं भारतीय पुजारी हे नियुक्त यायेगु प्रक्रिया सरकारं शुरु याःगु दु। थुकिया निंतिं म्हिगः भारतं हयातःपिं निम्ह पुजारीतय्त परम्परागत कथं गुप्तवास तयेगु ज्या याःगु दु। थुकिया विरोधय् थौं स्थानीय पुजारी विरोधी संघर्ष समितिं गौशाला चाबही लागाय् निघौ चक्का जाम यात। उकी प्रहरीं हस्तक्षेप यानाः २० म्ह प्रदर्शनकारी ज्वंगु खःसां लिपा उमित त्वःता हल। प्रदर्शनकारीतय्सं गौशालाय् संस्कृति मन्त्री डा. मिनेन्द्र रिजालया पुतला नं च्याकूगु खः ।
म्हिगः पुजारीयात 'गुफा' तल धइगु खँ सीसातकि बहनी हे स्थानीय जनतां अन नारा थ्वयेकाः उकिया विरोध याःगु खः।
संघर्ष समितिं आः थ्व पुजारीयात गुप्तवासं पिकयाः पशुपतिइ प्रवेश याकीबलय् नं उकियात अवरोध पिकायेगु खँ धाःगु दु। पुजारीतय्त चान्हय् चाःहीकेफुगु खँ नं धाःगु दु ।
