गाडी चले याइम्ह मचायात हना
भ्वँत (सन्ध्या टाइम्स)/मात्र न्यादँ जक दुबलय् गाडी चले यानाः क्यनादीम्ह मचा इशान श्रेष्ठयात थनया नेवाः पुचःपाखें हनेज्या यात। वंगु शनिवाः भाजु इशानं गाडी समेत चले यानाः क्यनादीगु खःसा उकी संविधानसभाया उपसभामुख पूर्णा कुमारी सुवेदीयात तयाः चाःहिकेगु ज्या समेत यानादीगु खः। इशानपाखें गाडी चले याकेगु उगु ज्या नं नेवाः पुचःया हे ग्वसालय् जूगु खः ।
पुचःया नायः सिद्धिबहादुर कर्माचार्यया सभापतित्वय् जूगु उगु ज्याझ्वलय् उपसभामुख सुवेदीं मचा इशानयात हनेज्या यानादीगु खः। ज्याझ्वः स्वयेत भ्वँतय् म्वःम्वः मनूत मुंगु खः ।
