तिरहुते ब्राम्हण समाजया तःमुँज्या
येँ (सन्ध्या टाइम्स)/ तिरहुते ब्राम्हण सेवा समितिया न्हापांगु तःमुँज्या छगू ज्याझ्वःया दथुइ क्वचाल।
समितिया प्रबन्ध समितिया अध्यक्ष गुरुदत्त मिश्रया अध्यक्षताय् क्वचाःगु उगु साधारणसभां समितिया विधान संशोधन यायेगु लिसें न्हूगु कार्ययोजना नं पारित याःगु दु। लिसें तिरहुते ब्राम्हणतय् सर्वपक्षीय हकहित व अधिकारया निंतिं फुक्कं कथंया पलाः ल्ह्वनेगु निर्णय नं याःगु दु ।
साधारणसभां गुरुदत्त मिश्रया अध्यक्षताय् न्हूगु ज्यासना पुचः नं स्वंगु दु। अथे हे समितिया उपाध्यक्ष, सचिव, कोषाध्यक्ष व दुजलय् दिवाकरलाल झा, श्रीजन झा, राजन मिश्र, शान्तगोपाल झा, माधव मिश्र, सूर्यगोपाल झा, सुगीता मिश्र, श्रीमला मिश्र, प्रद्युम्न झा, विद्याचरण झा व भक्तराम ओझापिं च्वनादीगु दु ।
