दक्वं नागरिकया हक सुरक्षित यायेत पारसया माग
पुलांम्ह युवराज पारस शाहं छुं न्हि न्ह्यः निसें भारतीय संचार माध्यमं थः विरुद्ध यानाच्वंगु समाचारया खण्डन याःगु दु ।
बुधवाः बहनी छगू वक्तव्य पिथंसें शाहं नेपालया तरल अवस्थाया फाइदा कासें थंज्याःगु समाचार प्रचार यानाच्वंगु दाबी याःगु दु । वक्तव्यय् धयातःगु दु, - 'जीं छम्ह साधारण नेपाली नागरिकया हैसियतं जिगू दायित्व व जिम्मेवारी बहन यानाच्वनाःगु वर्तमान ईलय् नेपालया तरल राजनीतिक परिस्थिताया फाइ ल्ह्वंसें विदेशी भूमिपाखें जि विरुद्ध प्रचार याःगु दक्वं द्वपंया जिं खण्डन याना ।'
अथेहे शाहं थंज्याःगु प्रचारं स्वाभिमानी नेपाली जाति विरुद्ध विदेशी भूमिपाखें पटक पटक याइगु लाञ्छनाया हे छगू रुप जूगु दाबी यासें राज्यं नेपाली नागरिकया हक अधिकार संरक्षण यायेगु थःगु सर्वप्रमुख दायित्व निर्वाह याइ धइगु खँय् नं जि उलि हे विश्वस्त जुया धकाः नं वक्तव्यय् न्ह्यथनातःगु दु।
भारतीय साचार माध्यं पारसयात भारतीय अन्डरवर्ल्डया डन दाउद इब्राहिम नाप मिलेजुया नक्कली भारतीय नोटया कारोबार यानाच्वंगु समाचार ब्यूगु खः ।
