न्यायाधीश सम्बन्धी प्रावधानं देशय् दुर्घटना जुइफु : कोइराला
नेपाली कांग्रेसया सभापति गिरिजाप्रसाद कोइरालां संसद व प्रान्त पाखें न्यायाधीश तप्यंक नियुक्त यायेगु प्रावधानं देशय् दुर्घटना जुइफुगु खँ धयादीगु दु ।
बुधवाः सनिलय् आरम यायेत थः गृहनगर विराटनगरय् थ्यंकादिम्ह कोइरालां थंज्याःगु प्रावधानं देशय् तःधंगु दुर्घटना जुइफुगु धयादिसें कांग्रेसं थुगु विषयलय् 'र्डास्टीक चेन्ज' ह्येगु बारे बिचाः यानाच्वंगु धयादिल ।
न्यायधीशया नियुक्ति व्यवस्थापिकां यायेगु एकीकृत नेकपा (माओवादी) व मधेशवदी दलया प्रस्ताव संविधानसभाया न्याय प्रणाली सम्बन्धी समितिं बहुमतं पारित याःगु खः ।
अथेहे कांग्रेस सभापति कोइरालां उपराष्ट्रपतिया सपथ प्रकरणं देशय् छगू स्थिति उत्पन्न जुयाच्वंगु व आः न्यायाधिश संसद व प्रान्तं नियुक्त यायेगु व राष्ट्रपतिया विषयया कारणं देशय् दुर्घटना जुइगु सम्भावना अप्वया वंगु खँ धयादीगु दु ।
न्ह्याःगु हे खँ ल्हासां देशय् खनेदुगु समस्या समाधान सहमति, सहकार्य व एकता पाखें जक सम्भव जूगु धयादिसें सहमतिया लँपू अझ नं ल्यंदनी धयादिल ।
