'दक्वं दलत मिलेजुया अर्थिक क्रान्तिया आन्दोलन यायेमाः'
अर्थमन्त्री सुरेन्द्र पाण्डें थीथी राजनीतिक दलया न्यागू लाख पूर्णकालीन कार्यकर्ता दुगु धयादिसें उमिगु भरणपोषणया निंतिं न्य्यगू लाख नेपाली जनतापाखें चन्दा संकलन यायेमाःगु खँ धयादीगु दु ।
नेपाल बायोग्याँस प्रबद्र्धन संघ नेपालया झिंन्याक्वःगु वार्षिक साधारणसभाया बुधवाः पोखराय् उल्लेज्या यानादिसें मन्त्री पाण्डें दक्वं राजनीतिक दलया पूर्णकालीन कार्यकर्तातय्त विकास निर्माणया ज्याय् लगे यायेफुसाः देशं आर्थिक क्षेत्रय् उन्नति याइगु धयादिल ।
राजनीतिक दलाया थीथी संघसंस्थातय् ट्रेड युनियनया नांमय् गठन जूगु युनियनतय् कारणं उद्योग धन्दात बन्द जुइगु अवस्था वःगुंलिं आर्थिक विकासया निंतिं दक्वं दलत मिलेजुया अर्थिक क्रान्तिया आन्दोलन यायेमाः धयादिल ।
ज्याझ्वलय् मन्त्री पाण्डें सरकारं राज्यश्व संकलनय् न्हापाया सरकारं स्वयां न्य्यनिगू प्रतिशत अप्वेकीगु दाबी यानादिसें पुलांम्ह अर्थमन्त्री डा. बाबुराम भट्टराईया कारणं न्हापा राजश्व संकलन जूगु मखंसें कर्मचारीतय् कारणं राजश्व संकलन जूगु धयादिल ।
