खस क्षेत्री जातिपाखें झापा जिल्ला बन्द
येँ (सन्ध्या टाइम्स)/खस क्षेत्री जातियात नं जनजातिया धलखय् दुथ्याकेमाः धासें थौं खस क्षेत्री एकता समाजं झापा जिल्ला बन्द याना बिउगु दु। थःपिं ब्राम्हण जाति अन्तर्गत मलाः बरु उपिंपाखें थःपिं नं पीडित जुयाच्वनागु दु, उकिं आः थःपिंत नं जनजातिया धलखय् दुथ्याकेमाः धासें उमिसं थ्व बन्द याःगु खः। उमिसं थ्व माग तयाः ताः इलंनिसें आन्दोलन न्ह्याका वयाच्वंगु खःसां बन्द ज्याझ्वः याःगु धाःसा थ्व न्हापांखुसी खः। बन्दया कारणं झापाया यातायात व बजाः प्रभावित जुयाच्वंगु दु ।
