घरेलु ल्वाभः सहित झिंप्यम्हेसित ज्वन

तुलसीपुरया एयरपोर्ट नापसं प्रहरीं मगंलवाः बहनी घरेलु ल्वाभः सहित झिंप्यम्हेपति ज्वंगु दु । खुकुरी, रड नाइन स्टिक आदि ल्वाभः ज्वनाः ल्यँय् जुयाच्वंगु ईलय् झिंप्यम्ह ल्याम्हतय्त ज्वंगु खँ इलाका प्रहरी ज्याकू तुलसीपुरं धाःगु दु । अथेहे उपिं नापं दुपिं झिनिम्ह धासाः बिस्यूंवनेत ताः लाःगु खँ धाःगु दु ।

प्रहरीं बुधवाः सुथय् छगू पत्रकार सम्मेलन यानाः थुकीया बारे जानकारी ब्यूगु खः । प्रहरीं ब्यूगु जानकारी कथं उमिथ भे. १. प. ३३४ नम्बरया बलेरो पिकअप भ्यान व रा. १. प. ३७१९ नम्बरया मोटर साइक सहित ज्वंगु खः । ज्वंपिं ल्याम्हतय्सं प्रहरीं ज्वनेत्यंगु ईलय् प्रहरीया ना. १. च. ५८१५ नम्बरया भ्यानय् अप्पां तकं क्येकूगु खः । अप्पां लानाः इलाका प्रहरी ज्याकू तुलसीपुरया प्रहरी जवान चुडामनी योगी घाःपा जूगु दु ।