ल्वाभः ज्वनाः लुटे याःवःपिंत ज्वन
ख्वप (सन्ध्या टाम्स)/ ख्वपया झौखेल गाविस ८ य् चान्हय् ल्वाभः ज्वनाः लुटपाट यायेत वयाच्वंपिं खुम्ह डाँकात मध्ये स्थानीय जनतां निम्हेसित म्हीगः बहनी ज्वनाः प्रहरीयात लःल्हाःगु दु। झौखेलया छगू पसलय् वये वने यानाच्वंगु
खनेवं स्थानीय जनतायात शंका वनाः खबर यायेवं ख्वपं वंपिं छपुचः ल्याय्म्हतय्सं उमित ज्वंगु खः। ज्वनेधुंकाः अन च्वंगु दोबुं धाःगु थासं प्यम्ह लुटेरात बिसिउँ वंगु खःसा निम्हेसित ज्वनाः दायेफक्वः दायालिं प्रहरीयात लःल्हाःगु दु। रामेछाप सिन्धुली च्वंपिं थ्व लुटरातपाखें स्थानीय जनतां रिभल्भर व पेस्तोल ज्वंगु दु। ज्वंपिं निम्ह लुटेरात घाःपाः जूगुलिं प्रहरीं टिचिङ्ग अस्पतालय् यंकाः वासः याकातःगु दु ।
