सेना समायोजन प्राविधिक समितिया म्याद थप
सेना समायोजन विशेष समितिया प्राविधिक समितिया म्याद स्वलाःया निंतिं थप यायेगु निर्णय याःगु दु । समितिं पूर्णता कायेवं मंलगवाः च्वंगु न्हापांगु बैठकय् प्रावधिकि समितिया कार्यवधि थप, समितिया आगामी कार्यदिशा लगायत विषयलय् सहलह जूगु खः ।
बैठकं थ्वस्वयां न्ह्यः गठित प्रविधिक समितिया ज्या मुल्यांकन यासें अनमिनं अयोग्य ठहर याःपि माओवादी सेनाया व्यवस्थापन लगायतया विषयलय् सहलह याःगु खः । बैठकय् खुलाःया दुने माओवादी लडाकूया समायोजन यायेगु विषयलय् नं सहलह जूगु खः ।
प्रधानमन्त्री माधवकुमार नेपालया अध्यक्षताय् समितियात सोमवाः पूर्णता बीवं मंगलवाः समितिया न्हापांगु बैठक च्वंगु खः । समितिलय् माओवादीया पाखें जनार्दन शर्मा 'प्रभाकर' व वर्षमान पुन 'अनन्त', कांग्रेसया पाखें डा. रामशरण महत व मिनेन्द्र रिजाल च्वनादीगु दुसाः एमालेया पाखें ईश्वर पोखरेल, मधेशी जनअधिकार फोरमया पाखें जयप्रकाश प्रसाद गुप्ता, फोरम लोकतान्त्रिकया पाखें शरदिसंह भण्डारी व तराई-मधेश लोकतान्त्रिक पार्टीया पाखें महेन्द्र यादव दुजः कथं च्वनादीगु दु ।
समितिया मेगू बैठकय् भदौ २१ गते च्वनीगु जूगु दु ।
