संवैधानिक समितिं उपसमिति गठन

संविधान सभा अन्तर्गत संवैधानिक समितिया मंगलवाः च्वंगु बैठकं अवधारण व मस्यौदा तयार यायेत झिंगुंगू उपसमिति गठन याःगु दु ।

सिंहदरवारय् मंगलवाः च्वंगु समितिया बैठकं वइगु २९ गते दुने अवधारण व मस्यौदा तयार यायेत देव गुरुङ, जयपुरी घर्ती, खिमलाल देवकोटा, विमलेन्द्र निधि, सुप्रभा घिमिरे, अग्नी खरेल, सपना प्रधान मल्ल, उपेन्द्र यादव, ह्रदयेश त्रिपाठी, लक्ष्मणलाल कर्ण, सीपी मैनाली, लोकेन्द्रबहादुर चन्द लगायत दुजत दुगु उपसमिति गठन याःगु खः ।

संविधानसभाया कार्यतालिका कथं दक्वं समितितय्सं वइगु भदौ २९ गते तकया दुने अवधारणा व मस्यौदा लःल्हायेगु ई क्वछिनातःगु खः ।