उपराष्ट्रपतिं सुविधा मत्वःतीगु
येँ (सन्ध्या टाइम्स)/उपराष्ट्रपति परमानन्द झा थनिंनिसें थःगु ज्याकुथी मवनीगु जूगु दु। थम्हं सर्वोच्च अदालतय् दायर यानागु पुनरावेदन निवेदनया लिपांगु फैसला वयेधुंकाः जक वय्कलं पदय् सक्रिय वा निष्कृय जुइगु धासें थनिंनिसें थःगु ज्याकुथी मवनेगु निर्णय याःगु खः ।
थुकिया लिसें वय्कलं तत्काल सरकारी सुविधा धाःसा लित मबीगु खँ वय्कःया पारिवारिक स्रोतं धाःगु दु ।
'उपराष्ट्रपतिया आःया अवस्था धइगु निर्वाचित जूगु तर सपथ मकाःनिगु अवस्था ख, अथे जुयाः सर्वोच्चया अन्तिम फैसला मवःतले अफिस धाःसा झाइ मखु, तर वय्कलं आः हे सरकारी सुविधा नं लित बीमाःगु अवस्था मदु।' उपराष्ट्रपतिया कानुनी सल्लाहकार सीताराम अग्रवालं धयादिल ।
उखे प्रधानमन्त्रीया राजनीतिक सल्लाहकार रघुजी पन्तं सर्वोच्चया निर्णय कथं उपराष्ट्रपतिया पद निष्कृय जूगुलिं आः सरकारं वहे कथं सुविधा रोक्का यायेमाःगु जुइधयादीगु दु ।
