येँनिसें कोपनहेगन तक !
येँ (सन्ध्या टाइम्स)/विश्वय् वयाच्वंगु जलवायु परिवर्तन व उकिं दक्षिण एसियाय् लानाच्वंगु लिच्वःयात कयाः येँय् थनिंनिसें छगू सम्मेलन न्ह्यात ।
प्रधानमन्त्री माधव नेपालं उगु सम्मेलनया उलेज्या यानादीगु खः। काठमाडौंनिसें कोपन हेगन तक' धइगु नारा बियाः न्ह्याःगु उगु सम्मेलनय् दक्षिण एसियाया हिमाली भेगय् लानाच्वंगु वातावरण प्रभावयात कयाः दक्षिण एसियाली मुलुकया छगू हे धापू दयेकेगु खँ धाःगु दु ।
सम्मेलनय् थीथी प्यंगू कार्यपत्र न्ह्यब्वइगु ज्याझ्वः दु।
वातावरणीय प्रभाव तच्वया वनाः गंगा, ब्रम्हपुत्र व इन्डस खुसिया जःखः च्वंपिं ७० करोड मनूत प्रभावित जुयाच्वंगु खँ आयोजकतय्सं धाःगु दु। नेपालय् नं हिमालया च्वापु नाया वयाच्वंगु दु ।
