माओवादीं आन्दोलन अझ सशक्त याइगु
एकीकृत नेकपा (माओवादीं) आन्दोलन थप सशक्त याइगु जूगु दु । प्रधानसेनापतियात थमौति बीगू राष्ट्रपतिया पलाःया बारे संसदय् सहलह यायेदयेमाःगु माग यासें आन्दोलित माओवादीं सतक संघर्षयात सशक्त दयेकीगु निर्णय याःगु दु ।
माओवादीया उपाध्यक्ष डा. बाबुराम भट्टराईया संयोजकत्वय् आइतवाः च्वंगु संयुक्त राष्ट्रिय जनआन्दोलन समितिया बैठकं आन्दोलनया समीक्षा यायेगु नापं आगामी आन्दोलनयात सशक्त व प्रभावकारी दयेकीगु विषयलय् केन्द्रीत जूगु खः ।
बैठकं सोमवाः निसें प्रधानमन्त्रीया सार्वजनीक ज्याझ्वः बहिष्कार यायेगु घोषित आन्दोलनया ज्याझ्वःयात थप प्रभावकारी दयेकेगु निर्णय माओवादी नेतातय्सं याःगु दु । अथेहे बैठकं भदौ १७ गते नागरिक समाज व बुद्धिजीवीत नाप आन्दोलनया बारे अन्तरक्रिया यायेगु निर्णय याःगु दु ।
अथेहे बैठकं माओवादीयात थीथी बहानाय् ब्यागलं तयेत स्वःगु निष्कर्ष पिकासें स्वायत्त राज्य घोषणा यायेगु प्रकृया न्ह्यने यंकेगु निर्णय याःगु दु । बैठकं अमिक शेरचन, रामकुमारी यादव व तिलक परियारयात थीथी राज्य समितिया इञ्चार्जया जिम्मेवारी ब्यूगु दु ।
