नागरिक न्हिपौया गाडी बेपत्ता
येँ (सन्ध्या टाइम्स)/थौं पिहां वःगु नागरिक न्हिपौ ज्वनाः नारायणगढपाखे वनाच्वंगु वहे न्हिपौया छगः गाडी थौं धादिङया बाँदरमुरे धइगु थासय् त्रिशुली खुसिइ कुतुं वनाः गाडी सहित उकी च्वनावःम्ह गणेश खतिवडा बेपत्ता जूगु दु।
येँनं पत्रिका ज्वनाः वंगु बा. ६ च ९५१७ नम्बरया उगु गाडी सतकं क्वय् त्रिशुली खुसिइ कुतुंवंगु खः ।
गाडी दुर्घटनाय् लानाः घाःपाः जूम्ह चालक राम बहादुर गुरुङयात धाःसा स्थानीय जनतां उद्धार यानाः मलेखुइ वासः याकातःगु दु ।
गाडी कुतुं वंगु थासय् प्रहरी व मेपिं जानाः मालेगु ज्या जुयाच्वंगु दु ।
