चिनिया राजदूत व प्रम नेपाल दथुइ खँल्हाबंला

प्रधानमन्त्री माधवकुमार नेपाल व नेपाःया निंतिं चीनया राजदूत क्यू गो होङ दथुइ खँल्हाबंला जूगु दु ।

आइतवाः सुथय् जूगु खँल्हाबंलाय् राजदूत होङं प्रधानमन्त्री नेपालयात चीन भ्रमण यायेत इनाप यानादीगु व प्रधानमन्त्री नेपालं संयुक्त राष्ट्र संघया भ्रमण लिपा चीन भ्रमण यायेगु जानकारी ब्यूगु खँ प्रधानमन्त्रीया विदेश मामिला सल्लाहकार राजन भट्टराईं कनादिल ।

अथेहे चिनिया राजदूत होङं नेपालय् चीन विरोधी गतिविधि अप्वयाच्वंगु प्रति च्यूता: प्वंकादीगु खसाः प्रधानमन्त्री नेपालं चीन विरोधी गतिविधि नेपालय् जुइमबीगु लिसः बियादीगु खः । अथेहे नेपाःया लिप्पांगु राजनीतिक घटनाक्रम व नेपाः व चीन दथुइया दुइपक्षीय हितया विषयलय् नं खँल्हाबंल जूगु खः ।