माओवादी निरन्तर समानान्तर संरचनाया पक्षय् : उर्जामन्त्री
उर्जामन्त्री व नेपाली कांग्रेसया केन्द्रीय दुजः प्रकाशशरण महतं एनेकपा (माओवादीं) संविधान निर्माण याये न्ह्यः सेना समायोजन यायेमबीगू रणनीति अख्तियार याःगु द्वपं बियादीगु दु ।
शनिवाः प्रेस युनियन स्याङ्जा शाखां स्याङ्जाय् याःगु पत्रकार सम्मेलनय् वयेकलं राज्य संयन्त्रयात ध्वस्त यायेत निरन्तर समानान्तर सेनाया संरचना कयाम यायेगु पक्षय् माओवादी दुगुलिं सेना समायोजन यायेमफुगु धयादिल । वयेकलं सेना समायोजन याये मबीत माओवादीं आन्तरिक चलखेल याःगु धयादिसें सेना समायेजन यायेमब्यूसाः माओवादीं संविधान निर्माण जुइधुंका जुइगु निर्वाचनय् थःगु सेनाया दबाब कायम यानाः हानं निर्वाचन थःगु कब्जाय् कायेगु रणनीतिलय् लगेजुयाच्वंगु द्वपं बियादिल ।
माओवदीं जारी यानाच्वंगु संसद अवरोध चीकेत कांग्रेसं पहल यानाच्वंगु धयादिसें मन्त्री महतं माओवादी सरकारय् मवसां संविधान निर्माण यायेगु ज्या पूवनीगु दाबी यानादिल ।
