माओवादी सरकारय् वःसाः गच्छदार उपप्रम पद त्वतेत तयार
उपप्रधानमन्त्री व भौतिक योजना व निर्माणमन्त्री विजयाकुमार गच्छदारं एकीकृत नेकपा (माओवादीं) सरकराय् ब्वति काःसा थः उपप्रधानमन्त्री पद त्वतेत तयार जूगु खँ धयादीगु दु ।
ढुवानी व्यवसायी महासंघया न्हापांगु महाधिवेशन व साधारण सभाया येँय् उल्लेज्या यानादिसें वयेकलं माओवादी सरकारय् मवसाः ईलय् हे संविधान निर्माण याये मफइगुलिं माओवादीयात सरकराय् दुथ्याकेत प्रधानमन्त्री सहित दक्वस्यां पद त्वतेत तयार जुइमाः धयादिल ।
वयेकलं राजनीतिक सहमति कायम जुइ मफया समस्या व हाथ्यात अप्वयावनाच्वंगु धयादिसें पुलांगु गतिविधिया आत्मआलोचना यानाः सुन्दर, शान्त व समृद्ध नेपाःया पक्षय् राजनीति केन्द्रीत जुइमाः धयादिल । बन्द, हड्ताल, चक्काजामया संस्कृति अन्त्य यायेमाःगु पक्ष थः दुगु धयादिसें उपप्रधानमन्त्र गच्छदारं न्हूगु संविधान निर्माण मजुतल्ले तक जुसां बन्द-हड्ताल थंज्याःगु ज्या स्थगित याये सम्बद्ध पक्ष नाप इनाप यानादिल ।
