थथे दु मतदानया समीकरण
संवैधानिक समितिया निंतिं थौं मतदान शुरु जुल। मतदानय् भोट वइगु समीकरण स्वयेबलय् कांग्रेस उम्मेदवार त्याइगु निश्चित जूगु दु। मतदान ज्यायात राप्रपा नेपाल, तमलोपा (स्वम्ह) व नेमकिपां बहिष्कार याःगु दु। माओवादीयात संघीय दल, दलित पार्टी, जनता दल व स्वतन्त्र सभासद् सद्रमियां हकं समर्थन याइगु जूगु दु। माओवादीयात समर्थन याइपिं उपेन्द्र यादव व परी थापा धाःसा न्हिनय् १ बजे तकं मतदान यायेत वःगु मदुनि ।
कुल ६३ दुजः मध्यय् चुरेभावर, नेपाः राष्ट्रिय पार्टी, समाजवादी लोकतान्त्रिक दल व डीएपी पार्टी यानाः प्यम्ह सभासदं न्हापा मेगु हे समितिइ मत बीधुंकूगु कारणं थुकी मत बी खनी मखु। समीकरण स्वयेबलय् निलाम्बर आचार्ययात २९ व नारायणकाजी श्रेष्ठयात २४ मत वइगु खने दयाच्वंगु दु ।
