उपराष्ट्रपतिपाखें पुनरावेदन दर्ता
येँ (सन्ध्या टाइम्स)/खय् भासं शपथ ग्रहण यायेत सर्वोच्च अदालतं बिउगु आदेशया विरुद्ध थौं उपराष्ट्रपति परमानन्द झां सर्वोच्च अदालतय् पुनरावेदन दर्ता यानादीगु दु ।
सर्वोच्चया आदेशपाखें थःत अन्याय जूगु धासें वय्कलं थ्व पुनरावेदन दर्ता यानादीगु खः । वय्कलं दायर यानादीगु पुनरावेदनय् सर्वोच्चया आदेश अन्तरिम संविधानया
धारा १०७ या उपधारा (५) या अःखः जूगु जिकिर यानातःगु दु ।
अथे हे वय्कःया पुनरावेदनय् मांभासं थम्हं शपथ काये दयेमाःगु जिकिर नं यानातःगु दु । वंगु साउन ९ गते सर्वोच्च अदालतपाखें वय्कलं हिन्दी भासं काःगु शपथ बदर याःगु खःसा भदौ ७ गते च्वंगु पूर्ण इजलासं वय्कःयात छवाःया दुने खय् भासं शपथ कायेत आदेश बिउगु खः। सरकारं नं वय्कःयात आइतवाःया दुने खय् भासं शपथ कायेत इनाप याःगु दु ।
