झिंन्याम्हपाखें झिंन्यादँ बुन्हिया उलेज्या

येँ (सन्ध्या टाइम्स)/नेवाः देय् दबूया झिंन्यादँ बुन्हि म्हिगः छगू ज्याझ्वः यासें न्यायेकल। झिंन्यादँ बुन्हि जूगुलिं देय् दबूया संरक्षक व सल्लाहकार यानाः झिंन्याम्ह हे व्यक्तितय्सं मंकाः रुपं ज्याझ्वःया उलेज्या याःगु खः। देय् दबूया नायः नरेश ताम्रकारया सभापतित्वय् जूगु उगु ज्याझ्वलय् देय् दबूया पुलांपिं नायःपिं लक्ष्मण राजवंशी, मल्ल के. सुन्दरपिंसं देय् दबूया इतिहास व भविष्य बारे न्ववानादीगु खः। संस्थापक नायः भक्तिदास श्रेष्ठ धाःसा स्वास्थ्यया कारणं ज्याझ्वलय् थ्यंकादी मफुत ।