थौं एमाले येँ जिल्लाया भेला
येँ (सन्ध्या टाइम्स)/ एमालेया येँ जिल्ला वृहत कार्यकर्ता भेला जमलय् च्वंगु राष्ट्रिय नाचघरय् जुयाच्वंगु दु। उगु भेलाय् एमालेया अध्यक्ष झलनाथ खनाल, प्रधानमन्त्री माधव नेपाल, पुलांम्ह गृहमन्त्री वामदेव गौतम, पोलिटब्यूरो दुजः अशोक राई व उपत्यका समन्वय समितिया संयोजक राजेन्द्र श्रेष्ठपिंसं संवोधन याइगु ज्याझ्वः दु ।
एमालेया ख्वप व यलय् जूगु जिल्ला समितिया चुनावय् झलनाथ पक्षं बहुमत हःगु खःसा आः येँनं चुनावं हे नेतृत्व ल्ययेगु तयारी जुयाच्वंगु दु ।
स्वनिगलय् न्हापा ओली पक्षया बहुमत दुगु खःसा आः झलनाथ खनाल पक्षय् बहुमत वनाच्वंगु दावी याःगु दु। ओली पक्षया बहुमत दुगु येँ जिल्ला समिति उकुन्हु तिनि विघटन याःगु खः ।
