थुगुसीया ख्यालिन्हिलि पर्यटन बोर्डय्
येँ (सन्ध्या टाइम्स)/थुगुसी सापारुया लसताय् ख्यालिगुलु गुथिपाखें याइगु ख्यालिन्हिलि ज्याझ्वः येँया नेपाल पर्यटक बोर्ड भृकुटीमण्डपय् जुइगु जूगु दु। कंस शनिवाः उगु ज्याझ्वः याइगु ग्वसाः दु ।
थुगुसीया ज्याझ्वलय् ख्यालः, म्येँ, हुलाप्याखं, मुक्तक आदिया नापं न्ह्यइपुगु जादूया ब्वज्या समेत जुइगु खँ ग्वसाः खलकं धाःगु दु ।
ख्यालिगुलु गुथिं थज्याःगु ज्याझ्वः याइबलय् समय्बजि व न्हिला करया रुपय् छुं शुल्क नं कायेगु याना वयाच्वंगु दुसा थुगुसी नं न्यय्तका शुल्क कायेगु क्वःजिउगु खँ नं ग्वसाः खलकं धाःगु दु ।
