निघौ तक विमानस्थल बन्द लिपा हानं संचालनय्

नेपाःया छगू जक अन्तराष्ट्रिय विमानस्थल त्रिभुवन विमानस्थलया धावनमार्ग 'थ्रेसहोल्ड' चर्केजूगुलिं नागरिक उड्डयन प्राधिकरणं बिहीवाः निघौया निंतिं विमानस्थल बन्द याःगु खः । लिपा मर्मत यायेवं विमानस्थल न्हिनय् निताः ईलं निसें हानं संचानलय् वःगु खः ।

धावनमार्ग चर्के जुया थाइ एयरया विमान अवतरण यायेमफया कोलकता 'डाइर्भट' जूगु खः । अथेहे पाकिस्तान एयरलाइन्सया विमान कराँचीलय् व बांग्लादेशया जीएमजी एयरलाइन्सया विमान ढाकाय् 'डाइभर्ट' याःगु खः । बिमानस्थल बन्द जुयाः कोरियन एयरलाइन्सया विमान छुं ई अकासय् हे चाहिलाच्वनेमाःगु खसाः एयर अरेबिया व जेट एयरवेजया विमानं न अवतरण याये मफुत ।