उपप्रधानमन्त्रीं राष्ट्रपति व प्रचण्ड नापलात
उपप्रधानमन्त्री विजयकुमार गच्छदारं राष्ट्रपति डा. रामवरण यादव व माओवादी अध्यक्ष पुष्पकमल दाहाल 'प्रचण्ड'यात बिहीवाः नापलाना उपराष्ट्रपतिया सपथ प्रकरणया बारे सहलह यानादीगु दु ।
उपप्रधानमन्त्री गच्छदार सहमित मधेशी नेतात राष्ट्रपति भवन सितल निवास थ्यंकाः राष्ट्रपति यादवयात संविधान संशोधन यानाः जुसां नं उपराष्ट्रपतिया सपथ विवाद ज्यंकेत इनाप या:गु खः । राष्ट्रपति यादवं थुगु विषयलय् सरकार नाप नं सहलह यायेत इनाप यानादीगु खसाः वयेकलं थम्ह नं सरकार नाप सहलह यायेगु धयादीगु खः ।
अथेहे उपप्रधानमन्त्री लगायत मधेशी नेतातय्सं राष्ट्रपति यादव नापलायेवं माओवादी अध्यक्ष प्रचण्डयात नापलाना संविधान संशोधन यायेगु खँय् दक्वं दलत छाथय् हे च्वनाः उपराष्ट्रपतिया सपथ विवाद ज्यंकेत इनाप या:गु खः । मधेशी नेतातय्सं संविधान संशोधन यायेगु ज्याय् दलत विभाजित जुइम्वाःगुलिं व्यवस्थापिका संसदया बैठक सुचारु यायेत प्रचण्डयात इनाप या:गु खः । सहलहया झ्वलय् माओवादी अध्यक्ष प्रचण्डं थुगु विषयलय् संवैधानिक समितिया सभापतिया चुनाव लिपा खँल्हाबंला यायेगु लिस: बियादीगु खः ।
थ्वस्वयां न्ह्यः मधेशवादी दलतय्सं उपराष्ट्रपतियात खय् भासं सपथ मकायेत व राजीनामा बीत इनाप याःगु खः ।
