संवैधानिक समितिया सभापतिया निंतिं सहमति जुइमफुत

संवैधानिक समितिया सभापति पदया निंतिं सहमति मालेत च्वंगु स्वंगु प्रमुख दलया बैठकय् सहमति जुइमफेवं बिना निष्कर्ष क्वचाःगु दु ।

सत्तारुढ नेकपा (एमाले), नेपाली कांग्रेस व प्रमुख प्रतिपक्षी दल एनेकपा (माओवादी) दथुइ बुधवाः प्रधानमन्त्रीया ज्याकूथी जूगु बैठकय् समितिया सभापति चयन यायेगु नापं माओवादीया आन्दोलन स्थगित यायेगु, सेना समायोजन लगायतया विषयलय् प्याकेजय् सहमति यायेगु धकाः प्रधानमन्त्री माधवकुमार नेपालं प्रस्ताव तःगु खसाः माओवादीं उकीयात अस्वीकार याःगु खः ।

बैठकय् प्रधानमन्त्री नेपालं दक्वं मुद्दाय् सहमति यानाः न्ह्या: वनेत इनाप याःगु खसाः उकी कांग्रेस सकारात्मक खनेदुगु खसां माओवादीं संवैधानिक समितिया सभापति चयन यायेगु विषययात मेमेगु मुद्दा नाप स्वाय्ये मज्यूगु अडान कायेवं बैठक बिना निष्कर्ष क्वचाःगु खः ।