राजीनामा बिउसां जिउ: प्रचण्ड
येँ (सन्ध्या टाइम्स)/विवादास्पद जुयाः पदय् च्वनाच्वनेगु सिबें उपराष्ट्रपति परमानन्द झां राजीनामा बिउसां जिउगु सुझाव माओवादी अध्यक्ष पुष्पकमल दाहाल 'प्रचण्डं' बियादीगु दु। थौं सुथय् क्रान्तिकारी पत्रकार संघ बुटवलय् ग्वसाः ग्वःगु पत्रकार सम्मेलनय् न्ववायेगु झ्वलय् वय्कलं उगु सुझाव बियादीगु खः ।
नागरिक सर्वोच्चता कायम मजूतले थःपिनि आन्दोलन जारी जुयाच्वनीगु खँ नं वय्कलं धयादीगु दु । प्रतिक्रियावादीतय्सं शान्ति प्रक्रियायात स्यंकेत व संविधान दयेके मबीगु सोच तयाः माओवादीं जनविद्रोह यायेत्यंगु खः धकाः भ्रम न्यंकाच्वंगु दावी नं वय्कलं यानादीगु दु। वय्कलं राष्ट्रपतिया पलाःया बारे थःपिनि अडान महिलीगु खँ नं धयादीगु दु ।
