यलय् स्वदँ दुम्ह मचायात बलात्कार लिपा हत्या
यल (सन्ध्या टाइम्स)/ थनया च्यासः त्वालय् बालं च्वनीम्ह शंकर च्यासि श्रेष्ठया स्वदँ दुम्ह म्ह्याय् सजिना च्यासि श्रेष्ठयात बलात्कार यानाः स्याना बिउगु खँ सीदुगु दु ।
म्हीग बहनी च्यासः त्वाःया हे चिकंबहिली मेम्ह हे मनूया छेँय् चःबिया पिनेसं उम्ह मचायात सिनाच्वंगु अवस्थाय् लुइकूगु खः। अबलय् सुं अज्ञात मनुखं गःपः तियाः मचायात स्याःगु जुइमाः धकाः अनुमान याःगु खःसां म्हिगः पोष्टमार्टमया झ्वलय् मचायात बलात्कार यानाः स्याःगु न्हूगु खँ पत्ता लगे जूगु खः ।
हत्या सुनां याःगु खः धकाः आः तक पत्ता लगे मजूनिसां प्रहरीं च्यासः त्वाःया हे छुं मनूतय्त शंका यानाच्वंगु खँ धाःगु दु। प्रहरीं आः मचाया अबुयाके न्यने-कने यानाच्वंगु दु।
