खय् भासं शपथ ग्रहण मयायेत इनाप

येँ (सन्ध्या टाइम्स)/उपराष्ट्रपति परमानन्द झायात खय् भासं शपथ मकासे थःगु हे मांभासं शपथ कायेत भाषिक अधिकार संयुक्त संघर्ष समितिं इनाप याःगु दु। संघर्ष समितिया पदाधिकारीतय्सं थौं वय्कःयात नापलासें थ्व इनाप याःगु खः। लिसें संघर्ष समितिपाखें थौं हे राष्ट्रपति डा. रामवरण यादवयात छगू ज्ञापनपत्र बिसें उपराष्ट्रपति झायात खय् भासं शपथ कायेत बाध्य मयायेत नं इनाप याःगु दु। समितिं आः प्रधानमन्त्रीयात नं ज्ञापनपत्र बिसें झायात खय् भासं शपथ नयेत बाध्य मयायेत आग्रह यायेत्यंगु दु ।