गुथि संस्थानया बैठक बहिष्कार
येँ (सन्ध्या टाइम्स)/यँयाः जात्राया बारे सहलह यायेत गुथि संस्थानं सःतूगु बैठकयात यँयाःलिसे आवद्ध १५ गू कवलं बहिष्कार याःगु दु। थगुने नेवाःतय्सं गुथि संस्थानया औचित्ययात कयाः आन्दोलन याःगु वयां लिपा गठित उच्चस्तरीय अध्ययन समितिं थ्व बारे यानाच्वंगु अध्ययन जारी हे दनिगुलिं गुथिं सःतूगु बैठकयात थःपिंसं मंकाः रुपं बहिष्कार यानागु खँ इन्द्रजात्रा व्यवस्थापन समितिं धाःगु दु।
गुथिया उगु बैठकयात केन्द्रीय मानन्धर संघ, कुमारी छेँ, देवी नाच, हलचोक आकाश भैरव, लाखे, श्वेत भैरव, दागिं, पुलुकिसि प्याखं, दशअवतार, बौमत, श्रीभैरव, श्री आकाश भैरव, श्री गणेश, पुलकिसि, श्री गणेशं बहिष्कार यायेगु धकाः मंकाः वक्तव्य पिकाःगु खः ।
