भंसार प्रमुखतय्के स्पष्टिकरण
येँ (सन्ध्या टाइम्स)/अर्थ मन्त्रालयं देय्या प्रमुख भंसार नाकाया प्रमुखतय्त मन्त्रालयय् सःताः न्यनेकने याःगु दु।
प्रमुख भंसार नाकापाखें व्यापक अनियमितता व राजस्व चुहावट जुयाच्वंगु नापं न्ह्यःने वयाच्वंगु मोहनी, स्वन्तिया इलय् मुख्य भंसारं जुइगु राजस्व चुहावट व भंसार छले यायेगु प्रवृत्तिया बारे सम्बन्धित भंसार प्रमुखतय्के न्यनेकने याःगु खः ।
अर्थमन्त्रीया उपस्थितिइ मन्त्रालयया वरिष्ठ अधिकारीं शंकास्पद भंसारया प्रमुखतय्के स्पष्टिकरण काःगु खः।
उगु इलय् अर्थमन्त्रीं भंसार प्रमुखतय्त गोप्य रुपं निगरानी तयेगु व न्यनेकने यायेगु ज्या जुयाच्वंगुलिं राजस्व छले याःगु लुत धाःसा कडा कारवाही यायेगु ख्याच्वः बिउगु दु ।
