अपराधिक ज्या याइपिंत मत्वतेत गृहमन्त्रीया निर्देशन

गृहमन्त्री भीम रावलं अपराधिक ज्या याइपिं न्ह्याम्ह हे जुसां उमित मत्वतेत सुरक्षा निकायया प्रमुखतय्त कडा निर्देशन ब्यादीगु दु ।

बुधवाः धनगढीलय् शुरु जूगु सुरक्षा सम्बन्धि सुदुरपश्चिम क्षेत्रीय सम्मेलनया उल्लेज्या यानादिसें गृहमन्त्री रावलं राजनीतिक संरक्षणया कारण न्हापा अपराधिक ज्या नियन्त्रण यायेत थाकूगु धयादिसें आः अज्याःगु राजनीतिक प्रभावय् लानाः ज्या जुइ मबीगु प्रतिबद्धता प्वंकादिल । वयेकलं कानुनी राज्यय् कानुन स्वयां त:धम्ह छुं नं मदुगु धयादिसें विशेष सुरक्षा ज्याझ्वः कार्यान्वयन यानाः हे त्वतेगु धयादिल ।

अथेहे वयेकलं लोकतन्त्र धइगु अराजकता मखसें कानुनी शासन जूगुलिं लोकतन्त्रया विकासया निंतिं शान्ति सुरक्षायात प्राथमिकता बीत सरकार तयार जूगु धयादिल ।