सर्वोच्चया आदेश पालना यायेत राष्ट्रपतिया इनाप

राष्ट्रपति डा. रामवरण यादवं उपराष्ट्रपति परमानन्द झायात सर्वोच्च अदालतया आदेश पालना यायेत इनाप यानादीगु दु ।

मंगलवाः न्हिनय् राष्ट्रपतिया ज्याकू थ्यंकादिम्ह उपराष्ट्रपति झायात राष्ट्रपति यादवं सर्वोच्च अदालतया आदेशया सम्मान यायेगु हे उपयुक्त जुइगु बिचा: न्यंकादीगु खः । राष्ट्रपति यादवं कानुन क्षेत्रया मनू जूगुलिं कानुनया पालना यायेगु खँय् ग्वाहालि यायेत उपराष्ट्रपति झायात इनाप यानादीगु खः ।

सर्वोच्च अदालतं वंगू आइतवा: उपराष्ट्रपति झायात खय् भासं न्ह्यन्हुया दुने हानं सपथ मकासाः उपराष्ट्रपतिया पदपाखें निष्कृय जुइगु फौसला न्यंकूगु खः ।