सर्वोच्च पिनेयाम्ह नं प्रधानन्यायाधीश जुइदइगु
संविधानसभा अन्तर्गतया न्यायप्रणाली सम्बन्धी समितिलय् सर्वोच्च अदालत स्वयां मेगू अदालत पाखें नं प्रधानन्यायाधीश नियुक्त यायेगु प्रस्ताव पारित जूगु दु । प्रधानन्यायाधीश नियुक्ति सम्बन्धय् सिंहदरवारय् च्वंगु समितिया ज्याकूथी मगलवाः सुथय् जूगु मतदानय् सर्वोच्च बाहेक याम्ह नं प्रधानन्यायाधीश नियुक्त यायेगु प्रावधान बहुमतं पारित जूगु खः । थौं कन्हय् सर्वोच्च अदालतय् स्वदँ न्यायाधीश जुइधुंकूपिं मध्ये वरिष्ठतमया आधारय् प्रधानन्यायाधी ल्ययेगु प्रावधान दु ।
माओवादी सभासदया थुगु प्रस्तावय् मधेशी दलतय्सं नं समर्थन यायेवं बहुमतं पारित जूगु खः । नेपाली कांग्रेस व नेकपा (एमाले) धासाः सर्वोच्च अदालतया न्यायाधीश पाखें हे प्रधानन्यायाधीश ल्ययेमाःगु पक्ष दुगु खः ।
मतदानय् सर्वोच्च अदालतं जक प्रधानन्यायाधीश नियुक्त यायेमाःगु पक्षय् १७गू मत व सर्वोच्च, पुनरावेदन व जिल्ला अदालतं नं नियुक्त यायेगु पक्षय् २१गू मत कुतुंवंगु खः । पीनिम्ह दुजः दुगु समितिया मंगलवाःया बैठकय् स्वम्ह अनुपस्थित जूगु व छम्ह तटस्थ च्वंगु खः ।
