'स्वंगू दल छथाय् मच्वंसा दुर्घटना'
येँ (सन्ध्या टाइम्स)/निलाया दुने देय्या प्रमुख स्वंगू दल छथाय् मवल धाःसा देय् भयावह दुर्घटनाय् लाये फइगु खँ एमाले अध्यक्ष झलनाथ खनालं धयादीगु दु ।
थौं सुथय् राप्ती अञ्चलय् कार्यकर्ता प्रशिक्षण बीत दांग झाःम्ह खनालं दांगया स्थानीय सञ्चार माध्यमयात अन्तर्वार्ता बीगु झ्वलय् उगु खँ धयादीगु खः ।
न्हूगु संविधान दयेकेगु निंतिं दुई तिहाइ बहुमत माःगु व स्वंगू दल छथाय् मच्वन धाःसा बहुमत खाके फइ मखु धासें वय्कलं उगु ख्याच्वः बियादीगु खः।
अथे हे वय्कलं संविधानं हे राष्ट्रपतियात आलंकारिक धकाः स्पष्ट यानातःगुलिं राष्ट्रपतिपाखे कार्यकारीस्तरया गल्ती जुल धाःसा उकियात कयाः संकल्प प्रस्ताव हयाः सहलह यायेमाःगु आवश्यकता मदुगु खँ धयादीगु दु ।
