उच्चस्तरीय संयन्त्र गठन बारे कोइराला व प्रचण्ड दथुइ खँल्हाबंला
नेपाल कांग्रेसया सभापति गिरिजाप्रसाद कोइराला व एकीकृत नेकपा (माओवादी)या अध्यक्ष पुष्पकमल दाहाल 'प्रचण्ड' दथुइ संविधान निर्माण व शान्ति प्रकृयायात तार्किक निष्कर्षय् थ्यंकेत गठन यायेगु धाःगु उच्च्स्तरीय राजनीतिक संयन्त्र गठनया बारे खँल्हाबंला जूगु दु ।
सोमवाः कोइराला निवास महाराजगंजय् निम्ह नेतात दथुइ जूगु खँल्हाबंलाय् संयन्त्र गठन प्रकृयायात याकनं अन्तिम रुप बिया राजनीतिक मुद्दा समाधान यानाः दलत दथुइया अविश्वास चीकेगु विषयलय् सहलह जूगु खः ।
खँल्हाबंला लिपा संचारकर्मीत नाप खँल्हानादिसें माओवादी अध्यक्ष प्रचण्डं संयन्त्र गठनया निंतिं कोइराला सकारात्मक जूगु जानकारी बियादिल । अथेहे वयेकलं संयन्त्र दयेकाः संविधान निर्माण व शान्ति प्रकृयायात न्ह्यनेयंकेगु व माओवादीं ल्ह्वंगु राजनीतिक मुद्दा समाधान यायेगु विषयलय् नं सहलह जूगु धयादिल ।
